Gítar-leikur "Grip & hljómaásláttur" er þriðja bókin í seríunni Gítar-leikur.  Bókin kennir frá grunni hljómaáslátt og gítargripin frá þeim léttustu upp í þvergrip og flóknari hljóma.  Laglína hvers lags er rituð með nótum fyrir kennarann eða lengra komna nemendur til að spila með.

         Lögin í bókinni eru öll íslensk og valin með það að markmiði að passa inn í tæknilega framvindu bókarinnar en einnig að þau séu áhugaverð og skemmtileg.   Lögin eru öll þekkt íslensk dægurlög sem flestir ættu að þekkja og hafa gaman af að spila og syngja en einnig eru æfingar í áslætti og brotnum hljómum inn á milli.